عبر الشاعر حمدان بن مسعود الرقاص عن مشاعره الوطنية بمناسبة اليوم الوطني للمملكة بقصيدة خاصة بهذه المناسبة العزيزة واليوم المجيد.
يوم الوطن ذكرى السنين المجيده
اللي لها مع ساعة النصر ميعاد
ذكرى معزي وانتصار العقيده
وتوحيد مملكة المفاخر والامجاد
عقب الشتات وعقب ما هي وقيده
صارت لياليها مسرات واعياد
بفضل الله المعبود رازق عبيده
المملكه توحدت والامن ساد
واللي عشقها من ديارن بعيده
اصبح بها حاكم وزاد الغلا زاد
عبدالعزيز اللي فعوله عديده
آل السعود اللي له الصعب ينقاد
لم الشمل وانهى الامور النكيده
وكل القبايل عاشت بطيب واسعاد
واليوم نفرح والوطن عاد عيده
في ظل سلمان الحزم طب الاكباد
ابو فهد عوق الخصوم العنيده
للدار غيث وللمعادين حصاد
وولي عهده فالمواقف عضيده
محمد اللي له على العز ميراد
الجد الاول حي والله حفيده
شبيه جده والعدا منه تنصاد
والدار جنه والحكومه رشيده
والسيف الاملح للمعادين جلاد
واليوم لاجل الدار نكتب قصيده
ونرفع علمنا بالمفاخر والامجاد
محب الوطن / حمدان مسعود الرقاص